【Now財經台】英國今日會公布最新財政預算案，估計會加能源利潤暴利稅、加所得稅收入等，英鎊已自上月低位反彈咗唔少，預算案公布後，英鎊會唔會進一步上升？
亨達集團助理總經理羅明立指，英國10月通脹升至11.1%，創41年新高，英倫銀行講明會繼續加息，新任財相侯俊偉要將上手嘅預算案推倒重來，轉為加稅削開支，相信可以穩定返市場信心。不過，佢認為預算案能唔能夠進一步推高英鎊，仍要睇返英倫銀行嘅貨幣政策，同埋英國嘅經濟情況。
羅明立估計，英鎊喺1.2或1.22水平會遇阻，建議投資者暫時唔好喺呢個水平追入。
 |
羅明立 亨達集團助理總經理 |