藝人徐榮15歲大仔徐朗近年到英國留學，來到6月尾開始放暑假，近日佢就返港陪伴家人，日前徐榮喺社交網宣布囝囝回來：「哥哥回來了，超級無敵掛住你，最Happy果位當然係包姐。」又晒出兩父子赤膊跑步合照，見徐朗長大不少，一身鋼條運動型身形相當有型。據知自小以足球員為夢想嘅徐朗，現時就讀嘅英國私立中學Bede’s Senior School，係位於英國南部布萊頓嘅寄宿學校，每年學費高達40萬港元，該校不但學術成績優異，更以足球隊於英國學界享負盛名，曾奪得英國學校足球錦標賽冠軍，而徐朗加入後亦不負所望，早前代表球隊於U15 （15歲以下組別）County Cup奪冠，踢出好成績！