金馬影后的內地女星馬思純去年被爆同樂隊「盤尼西林」主音張哲軒拍拖，多次傳出二人準備拉埋天窗，充滿幸福肥嘅馬思純，最近更被傳到英國準備秘密生B，又被拍得現身當地嘅孕味照，估唔到今日（24日）一早，就有網友晒出馬思純孖張哲軒喺英國手拖手散步嘅偷拍相！相中雖然見唔到馬思純正面，不過就睇得出相中女子身形脹爆，比月初網友偶遇佢時更見脹爆！
而上次同今次，二人同係喺曼徹斯特被網友認出，睇嚟佢哋喺當地已經生活咗成個月，對於仍然活潑幕前嘅馬思純嚟講，似乎Enjoy Live比工作更重要，令佢懷孕安胎傳聞更加似層層。