（Getty Images）
由於俄烏局勢持續不穩，46歲前英格蘭國腳、聯合國兒童基金會親善大使碧咸，早前就拍片呼籲各界踴躍捐款，以幫助受戰事影響嘅烏克蘭小朋友；而據報碧咸同老婆維多利亞，已率先捐出100萬英鎊。
根據英國《每日郵報》消息，已經擔任聯合國兒童基金會形象大使17年嘅碧咸，早前同老婆維多利亞以身作則，透過「7基金」向聯合國兒童基金會捐款100萬英鎊，以幫助尤其喺戰爭中失去家人嘅烏克蘭兒童。
除此之外，「萬人迷」碧咸亦利用佢嘅影響力，拍片呼籲各界踴躍捐款，佢喺片中表示：「我同大家一樣，睇住俄、烏局勢發展，感到恐懼同難以置信。母親被迫帶孩子逃離烏克蘭，家庭四分五裂，孩子喺床上畀人拉走，一夜間成為難民，我感受到所有人嘅無助。所以我哋依家發出緊急呼籲，如果你能夠加入捐款，幫助支持依啲無辜兒童，我哋將會非常感激，今日起請大家盡你所能吧！」