問有冇喺台灣情報機關工作
表格要求申報國籍、有無外國居留權，仲特別問到有無持有英國國民（海外）護照（BNO），要交代「有」、「無」、「已過期」或「已遺失」，如果填有或已過期，就要提供護照號碼、簽發及有效日期、首次獲簽發BNO嘅日期，同埋申請資格。
表格除咗各人要求交代現時及過往3年嘅受薪工作，亦要申報有無與任何香港政治組織有聯繫，又問到各人有無擁有台灣身分證、旅遊證件或居留權，如果有，要說明獲取證件或居留權所用嘅資格，更詳細問到有無喺外國或台灣政府部門或官方機構工作，有無喺情報機關工作，同埋有無喺軍事機構服役。
另外，除咗候選人自己，都要交代埋配偶國籍，有無外國居留權同職業。