持BNO護照移居英國的港人，壞消息接二連三，昨天保安局局長鄧炳強講明，如他們出事，只能「搵返自己國家」；另外，揸英國樓的朋友同我講，近來那邊住宅租金飆升，沒物業港人的租金負擔越來越重，都幾攞命！
持有英國物業的朋友指，近來當地住宅租金飆升，達到近兩成，移英的港人如租樓住，都幾難捱。
這位朋友指出，她粗略估計，租金升幅達一成多至兩成，業主一到租約期滿就狂加租，最慘是物價、電費與天然氣費等大堆生活開支齊齊加，真係幾惡頂。租金高處未算高，有幾個原因：
她說，近期英國息囗急升，按揭息率加完又加，買樓負擔日重，多了人因而暫時打消置業念頭，寧願租住樓先，在驟然求過於供下，自然搶高租金。
此外，手揸物業的業主，唔少人不想將樓放租，因為按當地規矩，屋內設施如有損壞，要由業主負責，而且代理可不徵得業主同意，自動於租金扣除，有時都幾麻煩。加上業主的租金收入要付高稅，減低了放租意欲，也削弱供應。
– 閱讀更多 –
租金急升亦直接影響留與學成本，我另一位朋友的兒子正在英國讀大二，因租住的 studio單位近倫敦，月租已加至 1300鎊(約 12300港元)，同時上網費、天然氣費、水費與電費都升，家長個膊頭越來越重。在那裏長住的港人，就更不用說了。
當地最新房地產數據也反映租金確實升得厲害，10月的平均租金叫價，按年增加 12%，與 2019年比，更大升近三成。其中倫敦西敏區漲幅冠於全國，按年加了近五成，已超乎租客的負擔能力。
一位最近逗留過英國的朋友說，移英港人「生存」沒問題，要找份工也不難，但「生活」都大有問題，如果要租樓住，租金已「吃」了收入一大截，而電、氣、水、交通等費用又你追我趕，份糧所剩無幾，真係唔易捱。
除了租金加不停，超市生活用品、電費、天然氣費、交通費等亦升完又升，新移民份糧被「吃」掉一大截。
怪不得今年第三季申請BNO簽証的數目已銳減，由 2021年第二季的 2.5萬宗，跌至 9400宗。許多人計過條數，不得不停一停，諗一諗，無謂一時衝動去吃苦中苦！
時人物語
** 博客文章文責自負,不代表本公司立場 **
往下看更多文章