【Now財經台】內地今朝出咗最新零售、工業及固投數據，全部差過預期，不過，人仔對數據反應唔算太大，在岸及離岸價喺7.05水平上落，近日人仔反彈至接近7算水平，短期反彈係咪差不多告一段落？
資深外匯分析師陳欣指，現時有兩個主要因素影響人仔短期走勢，首先係憧憬防疫政策持續放寬及優化，其次係美元回落，可以畀非美貨幣唞唞氣，喺呢個情況下，人仔就有一個比較似樣嘅反彈。
Chase又話，後市要留意美元跌穿咁多支持位後，會唔會進一步向下，同埋聯儲局會唔會繼續放慢加息步伐。佢續指，美國今個星期會公布零售銷售數據，若數據不利美元，人仔有機會挑戰7算水平。
 |
陳欣 樂天證券香港銷售總監 |