【Now財經台】英國前首相卓慧思辭職後，英國暫時避過金融危機，經歷政局震盪及金融市場動盪後，英國投資環境係咪否可以睇返好啲？
安泓投資總監兼香港大學房地產及建設系客席副教授楊書健指，喺英國上市嘅ETF有部分股息增長好誇張，例如房託股增長近20%，部分係因為疫情時獲租務寬免。此外，港人投資英國股票係唔使交股息稅，因此，無論係英國高息股，還是英國房託都係一個理想現金收入來源。
英國房託股息增長可觀，全部錄得雙位數增幅，相比起香港嘅房託，前景有冇好大分別？
楊書健就話，香港及英國都係成熟經濟體，租金係疫情呢2、3年稍為放緩，我哋都係要留意住會唔會反彈，其中Land Securities 同 British Land其實就好似買香港嘅太古、置地，如果投資者相信英國經濟將會復甦就買得過。