【Now財經台】英國政府公布50年以嚟最激進嘅減稅方案，結果導致股匯齊跌，英鎊兌美元一度失守1.04水平，創新低，最新反彈至1.07水平，英鎊弱勢下，明顯反映市場擔心英國大幅減稅，英鎊要跌到咩水平先有支持？
ATFX亞太區首席分析師林銘添指，英鎊兌美元失守1.04水平後，反彈至1.07水平，可以話係短期回穩，但要留意嚟緊公布嘅經濟數據，以及美元係咪持續向上，如果美國經濟數據轉弱，導致市場對美元嘅信心動搖，英鎊好大機會進一步企穩，重返1.1水平，但整體而言，全球央行加息幅度加大，如果英國追唔上，英鎊喺1.13水平會有阻力，如果英國嘅減稅方案都未必救到經濟，到時英鎊好大機會試返1.02，甚至1算水平。