於去年7月中「辭職保平安」嘅葵青前區議員周偉雄「潛水」10個月後，噚日終於喺社平台發帖蒲頭，話自己去年7月底、8月初就已離港去咗英國，而家在當地做緊餐廳樓面經理。
大公文匯全媒體報道：於去年7月中「辭職保平安」嘅葵青前區議員周偉雄「潛水」10個月後，噚日終於喺社平台發帖蒲頭，話自己去年7月底、8月初就已離港去咗英國，而家在當地做緊餐廳樓面經理。
周偉雄上載咗一段受訪嘅短片，帖文寫道：「不辭而別實情非得已，希望大家諒解」喎。佢憶述，喺舊年7月底、8月初去到英國，當時未有申請BNO，所以頭嗰3個月未能夠工作，令佢十分頭痛。直到10月底才批出BNO，最初透過朋友介紹做咗8日裝修雜工，後來識到一個餐廳老闆，就轉去做廚房雜務。佢因為冇經驗，一切要由零開始，喺早一、兩個月先轉做樓面，形容尚算學習階段。
對於做咗近10年區議員，去到英國要做藍領，周偉雄就話自己抱住「走難」同「避難」嘅心態，所以冇乜包袱，以「騎牛搵馬」嘅態度去做喎。
責任編輯： 谷雨