![](/hk/bkn/cnt/sport/20220312/photo/bkn-20220312230547333-0312_00882_001_01p.jpg?20220312225209)
(Getty Images)
多蒙特前鋒艾寧夏蘭特今夏離隊傳聞甚囂塵上,這位挪威尖刀的去向繼續成為關注,據英國傳媒報道,曼城已同意洗1億英鎊,將呢位21歲前鋒帶到嚟英超賽場。
艾寧夏蘭特近年在多蒙特已證明自身實力,自2020年加盟「大黃蜂」之後,已經為呢支德甲勁旅攻入80球,被歐洲各大豪門虎視眈眈,包括巴塞隆拿、皇家馬德里同曼城,對有興趣引入呢位閃耀新星。據報艾寧夏蘭特就更傾向轉投曼城,皆因爸爸恩治夏蘭特球員時代曾經效力「藍月亮」,艾寧夏蘭特亦好希望跟隨父親嘅腳步。
據報艾寧夏蘭特已經同意曼城提出嘅薪金待遇,合約連同簽約獎金,預計總價值高達1億英鎊。艾寧夏蘭特與多蒙特的違約金只有6400萬英鎊,以呢位挪威神鋒嘅卡士,絕對唔算多,加上年紀輕輕前途無可限量,當然深受追捧。而曼城自阿古路離隊之後,一直以「無鋒陣」應戰,但領隊哥迪奧拿就講到明希望有為正印前鋒在陣,艾寧夏蘭特如果成功加盟,相信會係唔錯嘅收購。