(Getty Images)
俄羅斯入侵烏克蘭後，車路士俄羅斯班主阿布拉莫域再度成為焦點。英國傳媒報道，政府極高層保安部門消息透露，阿布將唔會居留喺英國，意味住呢名55歲車路士班主，唔能夠再入住其肯辛頓宮附近價值1.25億嘅豪宅。
阿布自2018年英國與俄羅斯交惡後，簽證未能續期，他曾利用以色列護照及葡萄牙護照進入英國並且居住，不過近年鮮見佢喺史丹福橋球場出現。由於阿布被指與俄羅斯總統普京關係密切，現時俄烏關係緊張，英國相關部門擬禁止佢喺英國居留。
另一方面，有議員喺英國下議院提出質疑，當局一直有阿布為俄羅斯政府提供政治獻金等證據，為何一直未對阿布採取行動，仍然容許佢喺英國人境內擁有一間球會，言下之意要阿布撤出車路士。