劉祖廸染上Omicron，自稱除夕已痊愈。
近來英國、法國等歐洲多國新冠肺炎變種病毒Omicron病例激增，連於去年逃亡英國，被香港警方以涉「勾結外國或境外勢力危害國家安全」通緝嘅「攬炒巴」劉祖廸都染病，啱啱先喺除夕前好番咋！
劉上年12月31日喺Facebook貼文，指「奈何人生如常地無常」，原來佢最近染上Omicron，需要休養幾日，不過又話趕得切除夕前好番喎。之後佢又提到上年佢同埋「我要攬炒」團隊點樣參加海外嘅香港人集會，以及喺媒體及議會游說上話中國滲透全球，都係繼續唱衰中港咁啦。
劉祖迪自2019年反對修訂逃犯條例示威開始，活躍於網上討論區，曾經喺網上公開招募成員，主要進行國際文宣同埋游說工作，推動外國制裁中港，而劉喺上年被指逃往英國，香港警方亦以涉「勾結外國或境外勢力危害國家安全」等罪名拘捕「我要攬炒」多名成員，並通緝自稱為發起人嘅劉祖廸。