（Harry Coppell IG 相片）
東京奧運田徑賽事即將展開，但英國男子撐桿跳選手高貝爾（Harry Coppell）賽前相當唔好彩，佢最近練習途中就撞爛咗兩隻門牙，需要即時揾牙醫治理，但佢之後都有喺社交網站「自抽」，相信問題唔大，影響唔到爭奪奧運金牌嘅機會。
事緣高貝爾喺訓練試跳期間，原本以為好輕鬆過到，但個人跌落嚟之際唔小心撞到支桿，而佢訓落氣墊之後支桿咁啱跌正佢塊面，意外撞到2隻門牙。事後佢仲即刻喺社交網站發布自拍照並笑指：「今晚在訓練場進行了很好的試跳！然而桿卻掉在我的臉上，撞亂了我的牙齒，我希望東京附近有一個好牙醫。」
高貝爾年僅25歲，2019年同2020年曾經成為英國冠軍，佢更保持住5.85米嘅英國紀錄，被視為今屆男子撐桿跳奧運金牌大熱。