東方新地·

口罩小姐│「浩南」鄭伊琪落街市斬雞謝票 男粉絲爭住去幫襯

口罩小姐冠軍浩南鄭伊琪參選時曾與193一齊去樂富街市拉票,更曾許下諾言勝出後會返去謝票,浩南果然有口齒,現身街市霸氣斬雞答謝大家支持,仲直播現場情況,真係有唔少人聞風而至……撰文:東方新地 圖片:ViuTV直播截圖浩南重返當日拉票之地樂富街市,跟燒味店老闆雄哥學斬雞。浩南唔止斬雞,仲斬大嚿叉燒。口罩小姐冠軍謝票活動浩南鄭伊琪算是大熱勝出ViuTV的口罩小姐,參賽期間她與另一參賽者在193帶領下曾到樂富街市拉票,她希望以刀法同靚雞答謝一班街坊支持。在老闆指導下,浩南手起刀落,完全冇雞手鴨腳。直播期間,有好多網民支持畀心心,仲叫浩南小心切到手。口罩小姐霸氣斬雞第一次斬雞的浩南完全唔怕污糟彈到周身油,著住件雞仔圖案衫的她非常豪爽,一口氣就斬了三隻雞,隔住個Mon都Feel都個氣勢。由12點半斬到1點半,浩南都冇停過手。浩南斬完雞都唔使Sell,即時有支持者現身。男粉絲趕去幫襯浩南好落力斬雞的同時,原來現場已擠滿支持她的群眾,當中大部分都是男粉絲,浩南快手斬完幾盒雞,已經有男粉絲爭住買。多位男粉絲不停與正在斬雞的浩南自拍。買到浩南斬的雞,男粉絲幾開心。燒味店這日生意大增,浩南叫老闆收佢為徒,得閒落場客串。當日浩南與老闆娘曾前往樂富街市搵燒味店老闆雄哥拉票。口罩下的浩南,有亮麗的外表。浩南鄭伊琪性格豪爽,甚有觀眾緣。延伸閱讀:姜濤22歲生日榮升地主 富貴姜糖送地又花六位數字買電車廣告考有Feel|姜濤狂性大發 193慘遭咬噬Lin頭

Source

作者: HK in UK