擁有全球12支頂級球隊撐場嘅歐超聯革命性推出之後,事件愈演愈烈,球圈不停有反對聲音,但同樣有支持者,摩根大通承諾參賽嘅每支球隊可獲2億至3億英鎊嘅「迎新獎金」。

作為華爾街巨人嘅摩根大通周一承諾向這項球壇新聯賽先注入32.5億英鎊,同時亦保障到他們爭取電視直播嘅費用,以英國為例,2021至2024年嘅歐聯及歐霸嘅播映權就涉及12億英鎊嘅交易。

此外,曼聯及祖雲達斯嘅股價,亦隨着他們參加歐超聯而急升。貴為英意兩地嘅頂級聯賽勁旅,曼聯及祖記嘅都有明顯升幅,曼聯喺紐約證券交易所嘅股價於周一上升咗6.7%,而祖記喺米蘭證券交易所錄得18%嘅升幅,為0.91歐元。

12支歐洲頂級勁旅日前已宣布同意參加呢項全新賽事,包括英超「Big 6」曼聯、曼城、利物浦、阿仙奴、車路士、熱刺,西甲3雄皇家馬德里、巴塞隆拿、馬德里體育會,以及意甲3大勁旅祖雲達斯、AC米蘭同國際米蘭,而且歐超聯計劃會喺今年8月火速展開。

Source

作者: HK in UK