去年12月底,英國出現傳播力更強的武漢肺炎變種病毒,港府隨即宣佈禁止所有英國航班來港。禁飛令下,大批因公務、探親或其他原因到英國的港人全部無法回家,至今已兩個月。惟林鄭政府疑因政治考慮,一直冷處理滯英港人的求助。入境處證實至今收到多達800名港人查詢及求助。在港府拒提供支援下,滯英港人只能自救,以自己的方法回港。

駐英記者︰李雨夢

【坐42日疫監為見病重妹】

在英國工作多年的Sonia,由於妹妹病重入院,必須回港探望,她尋遍政府部門亦無任何回應,最終以自己的方法回港,她決定先到其他國家隔離21日,再轉機回港檢疫21日,即合共隔離42日,只望可見親人一面。

Sonia表示,上月初突然接獲妹妹病重的消息,「佢本身都係健健康康、冇乜大病,突然五日之內急轉直下,由行得走得到危殆需要搶救,令我好急要即刻返香港,本身係冇返香港嘅planning。」

入境處衞生署互相拋波

由於家人病情危殆,但亦知道香港對英國實施極為嚴謹的入境限制,故Sonia亦有尋找入境處及衞生署協助,了解能否酌情處理,「但兩個部門都話係對方負責,入境處淨係話同我開file,之後冇咗件事」。

最終Sonia向到英國探親而滯留當地、亦有份協助滯英港人的觀塘區議員畢東尼求助,獲得資訊後決定先行到別國停留21日,然後再回港。

對於政府部門的無視及不作為,Sonia直言感到無助及憤怒,「係香港政府先咁荒謬,唔畀自己嘅市民返屋企,入境處覆我淨係話勸大家呢段時間唔好返香港,完全無任何支援。」目前在別國停留的每一天,對於Sonia來說都異常煎熬,「因為我個妹情況係分分秒秒都變緊,佢𠵱家仲喺ICU昏迷緊,touch wood佢聽日死咗我都冇嘢可以做到。」

畢東尼指,自政府宣佈禁止英國航班抵港後,至今累積有逾300個滯留個案,「收到好多求助個案,有130個情緒出現問題」。求助個案中,不少是到英國探親的長者,「最年長嗰位係90歲婆婆,又有啲係懷孕個案,又有癌症病患者,𠵱家都返唔到去覆診」。

畢東尼一直跟各政府部門溝通,「由第一日到𠵱家,我哋都希望政府有個時間表,我哋𠵱家只能睇航空公司,最快嘅機係話3月尾先可以返香港,真係好失望」。

Source

作者: HK in UK