李八方online︱北京翻臉唔認BNO 駐京辦照教港人點續證

中國即日起唔再承認英國國民（海外）護照（BNO）係有效身份證明同旅遊文件，港府當然馬上跟隨。不過唔知到底係駐大陸各大城市經貿辦唔夠緊貼國情，抑或太清楚唔少港商可能都會有本BNO傍身，八方居然仲可以喺新政實施首日，喺包括駐京辦在內嘅4個駐大陸城市經貿辦網站上面，仲搵到有關點續BNO嘅資訊。

據八方觀察，現時喺駐京辦、駐粵辦、駐滬辦以及駐成都辦網站嘅「申辦香港特區護照／簽證身份書／回港證」中「常見問題」一欄入面，仍然會見到經貿辦建議大陸港人如果BNO過期，可以聯絡英國駐華大使館網站辦理換證手續。相反，香港駐倫敦經貿辦就已經喺29號宣佈，BNO今日起唔再獲港中兩地承認。

睇返政府架構，各個駐大陸城市經貿辦隸屬於政制及內地政制事務局。唔知將習總張相放喺Office嘅「大紅人」曾國衞，事後要唔要被問責呢？不過講返轉頭，其實成個措施都只係中國單方面唔承認BNO，唔少國家依然承認。經貿辦教港人照續BNO，話唔定港府可以借機宣傳「一國兩制」行穩致遠添！

—————————–

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

—————————–

支持蘋果深度報道，深入社區，踢爆權貴，即Like蘋果專題及調查組FB專頁！