英超球會西布朗周三(16日)宣布聘請前英格蘭國家隊領隊艾拿戴斯執教，據報佢嘅合約內有豐厚條款，雖然佢所簽嘅只係18個月短約，如果球隊降班更可以隨時解約，但如果西布朗成功護級，艾拿戴斯可以獨袋200萬英鎊豐厚獎金。艾拿戴斯已叫埋多年助手森美李爾一齊上任，準備護級大作戰。
艾拿戴斯出名係護級專家，西布朗係佢教嘅第8間英超球會，當中大部份都係中下游球隊，不過「大SAM」最出名係從來未試過帶隊降班，之前教保頓、布力般流浪、新特蘭同水晶宮，都成功將球會由降班深淵帶到留級。西布朗依家排嘫聯賽尾2，以艾拿戴斯嘅深厚護級功力，呢200萬鎊獎金都有力袋走。