(Getty Images)
車路士賣盤終於塵埃落定,英國政府正式批准以美國富商保利(Todd Boehly)為首嘅財團以總值42.5億鎊入主呢間英超球會,令交易可以完成。
英國政府發言人表示,當地時間周二(24日)深夜,就車路士出售許可達成協議,同意球會嘅賣盤事宜。
據悉,車路士原本班主阿布拉莫域提供具法律效力擔保,確保盤賣收益唔會流入佢及其家人戶口,令英國政府對交易開綠燈。
英國政府希望賣盤收益存入一個第三方托管機構,以確定資金流向,大家都希望交易喺周二完成,以免錯過來季英超及歐聯嘅報名日期。
英足總將於6月初提交來季歐洲賽事參賽球隊名單,英超亦於6月8日舉行會議,頒發來季參賽牌照,英超賽會早前已同意車仔易主。

Source

作者: HK in UK