好多球迷都知,NBA球星勒邦占士係利物浦支持者,好早之前已經買入股份,最近有消息指佢會再同紅軍合作,而且再加碼入股。

利物浦喺新冠肺炎疫情期間,經濟損失高達1.2億英鎊,為咗彌補損失,紅軍背後巨頭芬威體育公司,就將10%股份以5.38億英鎊嘅價格出售畀紅鳥投資公司。除咗呢10%股份之外,芬威體育亦宣布歡迎勒邦占士成為利物浦嘅合伙人:「佢哋嘅加入對我哋係一個里程碑,2010年起我哋已保持住長期嘅關係。」

勒邦占士過去已擁有利物浦嘅2%股份,半個月前就有美媒話佢會再入股紅軍,但數目幾多仍未知,而紅鳥注資嘅5.38億英鎊,其中一部份用嚟還債,其餘就用嚟加速擴建晏菲路。

Source

作者: HK in UK